Ujenzi wa Reli ya kisasa itakayoziunganisha Kenya, Uganda na Rwanda katika hatua nzuri


Ramani ya Reli ya kisasa itakakopitia


Serikali ya Uganda kupitia Bunge la nchi hiyo imepitisha muswada wa kuomba mkopo wa Dola za Kimarekani bilioni 2.9 kufadhili mradi wa ujenzi wa reli kutoka eneo la Malaba mpakani na Kenya hadi mji mkuu Kampala. Rwanda inasubiri utekelezaji wa mradi huo mpana kwa upande wa Uganda kabla ya kuanza kuanza shughuli za ujenzi wa sehemu ya reli hiyo itakayopita katika ardhi yake.

Hatua ya Uganda inafuatia sharti ya mfadhili mkuu wa ujenzi huo, nchi ya Uchina kuzitaka pande zote zinazohusika kwenye mradi huo wenye thamani ya mabilioni ya Dola za Kimarekani, ikiwamo Rwanda kuridhia utekelezaji wake kwa pamoja.

Tayari matumaini ya ujenzi wa reli ya kisasa itakayoziunganisha nchi za jumuiya ya Afrika mashariki yalianza kupungua baada ya Uganda siku za nyuma kutangaza kutoa kipaumbele kwa ujenzi wa reli ambayo ingewaunganisha na Tanzania wakiwa hawana uhakika wa kupata fedha za kugharamia ujenzi wa reli inayoelekea Kigali. Waziri wa nchi wa Rwanda anayehusika na uchukuzi, Dkt Alexis Nzahabwanimana anasema kuwa inchi yake imejipanga kutekeleza sehemu yake ya mradi huo pindi tu serikali ya Uganda itakapokuwa imekamilisha upande wake.

Mwanzoni mwa mwaka huu, Uganda ilitangaza kuwa ujenzi wa reli ya kisasa kutoka Mlaba hadi Kampala yenye urefu wa kilometa 273 utatekelezwa na kampuni ya China Harbour Engineering Company, ukitarajiwa kukamilika baada ya kipindi cha miezi 40.
Wahandisi wakiendelea na ujenzi wa Reli ya kisasa (SGR) nchini Kenya
Hatua ya Uganda inaongeza matumaini ya kujengwa kwa reli inayotegemewa kuanzia Mji wa mwambao mwa Kenya wa Mombasa kupitia Uganda na hatimaye kufika mji mkuu wa Rwanda, Kigali.
Mapema May 31 mwaka huu, Kenya ilizindua sehemu ya kwanza ya mradi huo iliyokamilika kwa kuziunganisha Mombasa na Nairobi, umbali wa kilometa 470. Wakati huo ilitangaza kuendelea na awamu ya pili itakayoiunganisha miji ya Nairobi, Naivasha na Kisumu kabla ya kuelekea mpakani mwa Uganda ambapo fedha za mradi huo zimepatikana tayari.
Ili kujenga sehemu ya gari ya Moshi kutoka mpakani mwa Uganda hadi Kigali, Rwanda italazimika kugharimikia walau Dola za Kimarekani milioni 500.

Comments

Post a Comment

Popular posts from this blog

Image
Waandamanaji wakibeba silaha za jadi eneo la Mathare (picha/Reuters) Huku asilimia zaidi ya 80 ya kura zilizopigwa yakiwa yametangazwa tayari nchini Kenya, Mgombea wa Muungano wa Upinzani (NASA), bwaba Rail Odinga amesema haafiki matokeo aliyoyaita ya "Uongo" huku akisema maofisa wa Muungano wa Jubilee wa Rais Uhuru Kenyatta wameingia kwenye mtandao na kubadili matokeo ili kumpatia ushindi mpinzani wake huyo anayewania muhula wa pili madarakani. Kwa mujibu wa matokeo yaliyotangazwa na tume ya Uchaguzi na mipaka nchini Kenya (IEBC), Uhuru anaongoza akiwa amefanikiwa kujikusanyia kura 7,984, 904 sawa na asilimia (54.3) wakati Odinga akipata kura 6,584,662 sawa na asilimia 44.8. Wafuasi wa Upinzani wakiandamana na kukabiliana na Polisi mjini Kisumu (Picha/Reuters) Punde baada ya Raila kutoa shutuma za wizi wa kura kwenye mkutano na waandishi wa habari jijini Nairobi eneo la Westlands, Waandamanaji wenye hasira walivamia mitaa ya Nairobi na mji wa Kusini magharibi wa
Read more

Uwanja wa Ndege Wa Kimataifa wa Kigali kileleni kwa safari nyingi za ndege Afrika mashariki

Image
RwandAir imeongeza ndege kubwa zinazofanya ziara nje ya bara la Afrika Shirika la kimataifa linalohusika na safari za anga ForwardKeys, linabashiri kuongezeka kwa safari za ndege katika Uwanja wa kimataifa wa Kigali kabla ya mwisho wa mwaka huu ikilinganishwa na viwanja vingine maarufu vya ukanda wa Afrika mashariki. Ripoti ya shirika hilo inasema kuwa ongezeko hilo litachangiwa na safari mpya za shirika la ndege la RwandAir kuelekea miji ya London na Bruxels barani Ulaya na Mumbai katika bara la Asia. Kwa mujibu wa ripoti ya ForwardKeys kufikia mwanzoni mwa mwezi Agosti mwaka huu, safari za ndege katika ukanda wa Afrika mashariki ziliongezeka kwa asilimia 14.3% ikilinganishwa na kipindi kama hicho mwaka jana. Pia shirika hilo linesema kuwa viwanja vya ndege vya Afrika mashariki vinatumiwa kwa safari nyingi za ndani ya bara la Afrika ikilinganishwa na kanda nyingine za bara hilo, hali inayobashiriwa kuongezeka kuelekea mwisho wa mwaka huu. RwandAir inafanya safari katika
Read more

Serikali ya Tanzania yaipiga faini acacia Dola Bilioni 190

Image
Kampuni ya Acacia inazalisha kiwango kikubwa cha fedha kutokana na Mgodi wa Bulyanhulu uliopo Dar Es Salaam (The East African): Serikali ya Tanzania imeipiga faini ya Dila za Kimarekani bilioni 190 ($190) kampuni ya Uchimbaji madini ya Acacia inayomiliki migodi tofauti nchini humo kama sehemu ya madai ya kodi, hali inayoweza kuongeza msuguano uliopo kuhusiana na kiwango cha mrabaha ambao serikali inasema kampuni hiyo inapaswa kuilipa. Kampuni hiyo imesema imepokea taarifa kuhusiana na kiwango hicho cha kodi mapema Jumatatu kutoka Mamlaka ya Mapato Tanzania (TRA) kama limbikizo la madai ya kodi, yanayohusisha kipindi cha miaka 17 iliyopita. TRA inadai Acacia, ambayo ni kampuni kubwa zaidi ya uchimbaji madini nchini Tanzania, inadaiwa na Serikali kiasi cha Dola za Kimarekani bilioni 154 ($154) kutokana na mgodi wa Bulyanhulu pamoja na kiasi kingine cha Dola za kimarekani bilioni 36 ($36) kutokana na Mgodi wa Buzwagi. Acacia inashutumiwa kusafirisha nje mchanga wen
Read more