Urusi yajibu vikwazo vya Marekani



Urusi imejibu vikwazo vipya ilivyowekewa na Marekani kwa kutangaza kushikilia mali za ubalozi wa Marekani jijini Moscow na kuitaka nchi hiyo kupunguza idadi ya wafanyakazi kwenye ubalozi wake nchini Urusi.

Ikulu ya Urusi (Kremlin) imechukua hatua ya papo kwa papo muda mfupi baada ya baraza la Seneti nchini Marekani kupiga kura inayoidhinisha vikwazo vipya dhidi ya Urusi, Iran na Korea kaskazini huku hatua hiyo ikionekana kupingwa na Rais Donald Trump. Muswada wa Bunge la Marekani kuhusu hatua hizo mpya unasubiri kusainiwa na Rais Trump kabla ya kugeuka sheria.

Urusi imetangaza kupitia Maofisa wake wakuu kwamba Ubalozi wa Marekani jijini Moscow na ubalozi mdogo wa nchi hiyo katika miji ya St. Petersburg, Yekaterinburg na Vladivostok ni lazima wapunguze idadi ya "wanadiplomasia na watalamu" kufikia 455, huku wakitoa Septemba Mosi mwaka huu kama muda wa mwisho kufanya hivyo.

Idadi hiyo ya wafanyakazi italingana na idadi ya wafanyakazi wa Ubalozi wa Urusi waliopo nchini Marekani. Wizara ya mambo ya nje ya Urusi pia imesema itachukua udhibiti wa ghala na jengo la starehe vinavyotumiwa na Ubalozi wa Marekani.

Rais wa Urusi, Vladimir Putin (kushoto) akizungumza na mwenzake wa Marekani, Donald Trump(kulia) kwa njia ya simu (picha ya mtandaoni)
Kwa mujibu wa gazeti Washington Post la nchini Marekani, msemaji wa Ubalozi wa Marekani jijini Moscow hakuweza kubainisha mara moja idadi wa watumishi kwenye Ubalozi wa Marekani jijini Moscow pamoja na balozi ndogo kwenye miji tofauti nchini Urusi.

Sheria mpya ya vikwazo nchini Marekani inalenga kuiadhibu Urusi kufuatia tuhuma za kujihusisha na uingiliaji wa Uchaguzi wa mwaka 2016 wa Rais nchini Marekani na kile kinachotajwa kuwa ni uvamizi wa kijeshi nchini Ukraine na Syria, ambako Kremlin inamuunga mkono Rais Bashar Al-Assad. Sheria hiyo pi inamzuia Rais Trump kulegeza ama kuondoa vikwazo vilivyowekwa dhidi ya Urusi bila ya idhini ya Congress (Bunge la Marekani).

Mwezi Desemba mwaka jana, aliyekuwa Rais wa Marekani, Barack Obama aliwafukuza wafanyakazi 35 wa Ubalozi wa Urusi nchini humo akiwatuhumu kuwa majasussi na kuchukua udhibiti wa maeneo ya Ubalozi wa nchi hiyo kwa madai ya kuingilia uchaguzi wa rais nchini Marekani. Wizara ya mambo ya nje ya urusi wakati huo ilimshauri Rais Vladimir Putin kulipa kisasi kwa kuwafukuza wanadiplomasia wa Marekani, lakini akasema angesubiri, katika kile kilichoonekana kama kuvuta subira kwamba Rais mpya angebatilisha uamuzi huo baada ya kula kiapo.

Comments

Post a Comment

Popular posts from this blog

Image
Waandamanaji wakibeba silaha za jadi eneo la Mathare (picha/Reuters) Huku asilimia zaidi ya 80 ya kura zilizopigwa yakiwa yametangazwa tayari nchini Kenya, Mgombea wa Muungano wa Upinzani (NASA), bwaba Rail Odinga amesema haafiki matokeo aliyoyaita ya "Uongo" huku akisema maofisa wa Muungano wa Jubilee wa Rais Uhuru Kenyatta wameingia kwenye mtandao na kubadili matokeo ili kumpatia ushindi mpinzani wake huyo anayewania muhula wa pili madarakani. Kwa mujibu wa matokeo yaliyotangazwa na tume ya Uchaguzi na mipaka nchini Kenya (IEBC), Uhuru anaongoza akiwa amefanikiwa kujikusanyia kura 7,984, 904 sawa na asilimia (54.3) wakati Odinga akipata kura 6,584,662 sawa na asilimia 44.8. Wafuasi wa Upinzani wakiandamana na kukabiliana na Polisi mjini Kisumu (Picha/Reuters) Punde baada ya Raila kutoa shutuma za wizi wa kura kwenye mkutano na waandishi wa habari jijini Nairobi eneo la Westlands, Waandamanaji wenye hasira walivamia mitaa ya Nairobi na mji wa Kusini magharibi wa
Read more

Uwanja wa Ndege Wa Kimataifa wa Kigali kileleni kwa safari nyingi za ndege Afrika mashariki

Image
RwandAir imeongeza ndege kubwa zinazofanya ziara nje ya bara la Afrika Shirika la kimataifa linalohusika na safari za anga ForwardKeys, linabashiri kuongezeka kwa safari za ndege katika Uwanja wa kimataifa wa Kigali kabla ya mwisho wa mwaka huu ikilinganishwa na viwanja vingine maarufu vya ukanda wa Afrika mashariki. Ripoti ya shirika hilo inasema kuwa ongezeko hilo litachangiwa na safari mpya za shirika la ndege la RwandAir kuelekea miji ya London na Bruxels barani Ulaya na Mumbai katika bara la Asia. Kwa mujibu wa ripoti ya ForwardKeys kufikia mwanzoni mwa mwezi Agosti mwaka huu, safari za ndege katika ukanda wa Afrika mashariki ziliongezeka kwa asilimia 14.3% ikilinganishwa na kipindi kama hicho mwaka jana. Pia shirika hilo linesema kuwa viwanja vya ndege vya Afrika mashariki vinatumiwa kwa safari nyingi za ndani ya bara la Afrika ikilinganishwa na kanda nyingine za bara hilo, hali inayobashiriwa kuongezeka kuelekea mwisho wa mwaka huu. RwandAir inafanya safari katika
Read more

Serikali ya Tanzania yaipiga faini acacia Dola Bilioni 190

Image
Kampuni ya Acacia inazalisha kiwango kikubwa cha fedha kutokana na Mgodi wa Bulyanhulu uliopo Dar Es Salaam (The East African): Serikali ya Tanzania imeipiga faini ya Dila za Kimarekani bilioni 190 ($190) kampuni ya Uchimbaji madini ya Acacia inayomiliki migodi tofauti nchini humo kama sehemu ya madai ya kodi, hali inayoweza kuongeza msuguano uliopo kuhusiana na kiwango cha mrabaha ambao serikali inasema kampuni hiyo inapaswa kuilipa. Kampuni hiyo imesema imepokea taarifa kuhusiana na kiwango hicho cha kodi mapema Jumatatu kutoka Mamlaka ya Mapato Tanzania (TRA) kama limbikizo la madai ya kodi, yanayohusisha kipindi cha miaka 17 iliyopita. TRA inadai Acacia, ambayo ni kampuni kubwa zaidi ya uchimbaji madini nchini Tanzania, inadaiwa na Serikali kiasi cha Dola za Kimarekani bilioni 154 ($154) kutokana na mgodi wa Bulyanhulu pamoja na kiasi kingine cha Dola za kimarekani bilioni 36 ($36) kutokana na Mgodi wa Buzwagi. Acacia inashutumiwa kusafirisha nje mchanga wen
Read more