Polisi 140 wa Rwanda waelekea Haiti


Polisi 140 wanaenda kuchukua mahali pa wenzao 160 wanaorudi nchini Juma hili

Kundi la skari Polisi 140 wa Rwanda limeondoka nchini Jumatano jioni kuelekea kwenye ujumbe wa amani wa kimataifa nchini Haiti. Kundi hilo linalohusisha Polisi wa kike 20 linaunda awamu ya 8 ya Polisi maalumu wa kulinda amani (FPU VIII).

 Hii ni awamu ya nane ya Polisi waliopewa mafunzo maalumu (FPU) kuelekea katika ujumbe wa amani wa Umoja wa mataifa nchini Haiti. Kundi hilo linaloongozwa na Kamishna msaidizi wa Polisi Yahya Kamunuga linaunda kikosi kijulikanacho kama RWAFPU-VIII  katika taifa hilo la visiwa vya Caribbean. 
 
Katika Uwanja wa ndege wa Kimataifa wa Kigali, Polisi hao 140 wameagwa na Naibu Inspekta Mkuu wa Polisi, DIGP  Juvenal Marizamunda, aliyewatakiwa heri katika kutimiza majukumu yaliyopo mbele yao na kuwataka kuilinda hadhi ya Rwanda kimataifa.

Kwa mujibu wa msemaji wa Polisi ya Taifa, Kamishna msaidizi wa Polisi, Theos Badege askari polisi hao watakuwa na majukumu ambayo ni pamoja na kusaidia kulinda usalama wa wafanyakazi wa Umoja wa mataifa nchini Haiti pamoja na vifaa vya Umoja huo, usalama wa wananchi na mali zao pamoja na miundombinu.

Ni kundi linalochukua nafasi itakayoachwa wazi na wenzao 160 wanaomaliza muda wao nchini Haiti na ambao wanatarajiwa kuwasili jijini Kigali Ijumaa chini ya uongozi wa Kamishna msaidizi wa Polisi, faustin Ntirushwa. Polisi wengine 9 wa Rwanda wapo nchini haiti wakiwa na jukumu la kutoa mafunzo na kuwaongezea ujuzi Polisi wa Haiti.
Rwanda ni ya tatu kwa kuwa na Polisi wengi wa kulinda amani kimataifa

Idadi hiyo ya Polisi walioelekea haiti, imeifanya idadi ya Polisi Wa Rwanda walioshiriki shughuli za ulinzi wa amani nchini Haiti katika kipindi cha kuanzia mwaka 2010 kufikia 1,120. Polisi ya Rwanda inaandaa kundi jingine la askari watakaotumwa nchini Sudani kusini mwezi ujao kwenye ujumbe wa kulinda amani wa umoja wa mataifa.

Rwanda ni nchi ya tatu kimataifa kwa kuwa na idadi kubwa ya Polisi wanaohudumu katika ujumbe wa kulinda amani kimatifa. Nafasi ya kwanza inashikiliwa na Senegal ikifuatiwa na Bangladesh. Pia ni ya pili duniani kwa idadi kubwa ya Polisi wa kike wanaohudumu kwenye ujumbe kama huo maeneo tofauti ya dunia, huku ikitarajiwa kushika nafasi ya kwanza baada ya kutuma ujumbe utakaoundwa na askari Polisi wa kike pekee siku za usoni.

Comments

Post a Comment

Popular posts from this blog

Image
Waandamanaji wakibeba silaha za jadi eneo la Mathare (picha/Reuters) Huku asilimia zaidi ya 80 ya kura zilizopigwa yakiwa yametangazwa tayari nchini Kenya, Mgombea wa Muungano wa Upinzani (NASA), bwaba Rail Odinga amesema haafiki matokeo aliyoyaita ya "Uongo" huku akisema maofisa wa Muungano wa Jubilee wa Rais Uhuru Kenyatta wameingia kwenye mtandao na kubadili matokeo ili kumpatia ushindi mpinzani wake huyo anayewania muhula wa pili madarakani. Kwa mujibu wa matokeo yaliyotangazwa na tume ya Uchaguzi na mipaka nchini Kenya (IEBC), Uhuru anaongoza akiwa amefanikiwa kujikusanyia kura 7,984, 904 sawa na asilimia (54.3) wakati Odinga akipata kura 6,584,662 sawa na asilimia 44.8. Wafuasi wa Upinzani wakiandamana na kukabiliana na Polisi mjini Kisumu (Picha/Reuters) Punde baada ya Raila kutoa shutuma za wizi wa kura kwenye mkutano na waandishi wa habari jijini Nairobi eneo la Westlands, Waandamanaji wenye hasira walivamia mitaa ya Nairobi na mji wa Kusini magharibi wa
Read more

Uwanja wa Ndege Wa Kimataifa wa Kigali kileleni kwa safari nyingi za ndege Afrika mashariki

Image
RwandAir imeongeza ndege kubwa zinazofanya ziara nje ya bara la Afrika Shirika la kimataifa linalohusika na safari za anga ForwardKeys, linabashiri kuongezeka kwa safari za ndege katika Uwanja wa kimataifa wa Kigali kabla ya mwisho wa mwaka huu ikilinganishwa na viwanja vingine maarufu vya ukanda wa Afrika mashariki. Ripoti ya shirika hilo inasema kuwa ongezeko hilo litachangiwa na safari mpya za shirika la ndege la RwandAir kuelekea miji ya London na Bruxels barani Ulaya na Mumbai katika bara la Asia. Kwa mujibu wa ripoti ya ForwardKeys kufikia mwanzoni mwa mwezi Agosti mwaka huu, safari za ndege katika ukanda wa Afrika mashariki ziliongezeka kwa asilimia 14.3% ikilinganishwa na kipindi kama hicho mwaka jana. Pia shirika hilo linesema kuwa viwanja vya ndege vya Afrika mashariki vinatumiwa kwa safari nyingi za ndani ya bara la Afrika ikilinganishwa na kanda nyingine za bara hilo, hali inayobashiriwa kuongezeka kuelekea mwisho wa mwaka huu. RwandAir inafanya safari katika
Read more

Serikali ya Tanzania yaipiga faini acacia Dola Bilioni 190

Image
Kampuni ya Acacia inazalisha kiwango kikubwa cha fedha kutokana na Mgodi wa Bulyanhulu uliopo Dar Es Salaam (The East African): Serikali ya Tanzania imeipiga faini ya Dila za Kimarekani bilioni 190 ($190) kampuni ya Uchimbaji madini ya Acacia inayomiliki migodi tofauti nchini humo kama sehemu ya madai ya kodi, hali inayoweza kuongeza msuguano uliopo kuhusiana na kiwango cha mrabaha ambao serikali inasema kampuni hiyo inapaswa kuilipa. Kampuni hiyo imesema imepokea taarifa kuhusiana na kiwango hicho cha kodi mapema Jumatatu kutoka Mamlaka ya Mapato Tanzania (TRA) kama limbikizo la madai ya kodi, yanayohusisha kipindi cha miaka 17 iliyopita. TRA inadai Acacia, ambayo ni kampuni kubwa zaidi ya uchimbaji madini nchini Tanzania, inadaiwa na Serikali kiasi cha Dola za Kimarekani bilioni 154 ($154) kutokana na mgodi wa Bulyanhulu pamoja na kiasi kingine cha Dola za kimarekani bilioni 36 ($36) kutokana na Mgodi wa Buzwagi. Acacia inashutumiwa kusafirisha nje mchanga wen
Read more