Rais Kagame aweka jiwe la msingi ujenzi wa uwanja wa ndege wa kimataifa wa Bugesera




Rais Paul Kagame akiweka jiwe la msingi katika mradi wa uwanja wa ndege wa Bugesera
Rais wa Jamhuri, Paul Kagame ameweka jiwe na msingi kwenye mradi wa ujenzi wa Uwanja wa kisasa wa kimataifa wa ndege wilayani Bugesera. 

Rais Kagame amesema wanayarwanda wengi wanasubiri kwa shauku kukamilika kwa Uwanja huo utakaogharimu Dola za Kimarekani milioni 818 hadi kukamilika kwake na kuwataka makandarasi kuhakikisha mradi huo unakamilika kwa wakati.

Uwanja wa ndege wa kimataifa wa Bugesera unajengwa jimboni mashariki umbari wa kilometa 30 kutoka jijini Kigali. Katika tukio la kuweka jiwe la msingi katika mradi huo, Rais Kagame ameambatana na viongozi mbali mbali akiwamo Mkurugenzio mtendaji wa Kampuni ya Mota Engil Africa, Emmanuel Mota. Kampuni hiyo ya barani Afrika inamilikiwa na raia wa Ureno.

Kwa mujibu wa Rais Kagame, mradi huo ni miongoni mwa miradi mikubwa inayotazamwa na wengi kama muhimili muhimu wa uchumi wa Rwanda na kupanua wigo wa kibiashara baina ya mataifa ya ukanda wa Afrika mashariki, maziwa makuu na bara zima la Afrika. 
Mradi wa uwanja wa ndege wa Bugesera utagharimu $818

Uongozi wa Mota Engil Afrika umemuahidi Rais wa Jamhuri kufanya kazi kwa uadilifu na kukamilisha ujenzi kwa wakati. Uwanja wa wa ndege wa Kimataifa wa Bugesera utakaokuwa na ukubwa kuzidi uwanja wa kimataifa wa Kigali, utajengwa kwa awamu mbili, huku awamu ya kwanza ikitarajiwa kukamilika ndani ya miezi 17 kuanzia sasa.

Uwanja huo wa kisasa utahusisha majengo yatakayotumiwa na abiria pamoja na maofisa wa uwanja huo katika eneo lenye ukubwa wa mita za mraba elfu 30, ofisi za ukaguzi wa nyaraka za wasafiri zipatazo 22 pamoja na malango ya kuingilia na kutokea 10. Uwanja wa kimataifa wa Bugesera pia utakuwa na madaraja/ngazi sita zitakazotumiwa na abiria kupanga ama kushuka ndani ya ndege bila kulazimika kushuka chini kwenye njia ya ndege.

Comments

Post a Comment

Popular posts from this blog

Image
Waandamanaji wakibeba silaha za jadi eneo la Mathare (picha/Reuters) Huku asilimia zaidi ya 80 ya kura zilizopigwa yakiwa yametangazwa tayari nchini Kenya, Mgombea wa Muungano wa Upinzani (NASA), bwaba Rail Odinga amesema haafiki matokeo aliyoyaita ya "Uongo" huku akisema maofisa wa Muungano wa Jubilee wa Rais Uhuru Kenyatta wameingia kwenye mtandao na kubadili matokeo ili kumpatia ushindi mpinzani wake huyo anayewania muhula wa pili madarakani. Kwa mujibu wa matokeo yaliyotangazwa na tume ya Uchaguzi na mipaka nchini Kenya (IEBC), Uhuru anaongoza akiwa amefanikiwa kujikusanyia kura 7,984, 904 sawa na asilimia (54.3) wakati Odinga akipata kura 6,584,662 sawa na asilimia 44.8. Wafuasi wa Upinzani wakiandamana na kukabiliana na Polisi mjini Kisumu (Picha/Reuters) Punde baada ya Raila kutoa shutuma za wizi wa kura kwenye mkutano na waandishi wa habari jijini Nairobi eneo la Westlands, Waandamanaji wenye hasira walivamia mitaa ya Nairobi na mji wa Kusini magharibi wa
Read more

Uwanja wa Ndege Wa Kimataifa wa Kigali kileleni kwa safari nyingi za ndege Afrika mashariki

Image
RwandAir imeongeza ndege kubwa zinazofanya ziara nje ya bara la Afrika Shirika la kimataifa linalohusika na safari za anga ForwardKeys, linabashiri kuongezeka kwa safari za ndege katika Uwanja wa kimataifa wa Kigali kabla ya mwisho wa mwaka huu ikilinganishwa na viwanja vingine maarufu vya ukanda wa Afrika mashariki. Ripoti ya shirika hilo inasema kuwa ongezeko hilo litachangiwa na safari mpya za shirika la ndege la RwandAir kuelekea miji ya London na Bruxels barani Ulaya na Mumbai katika bara la Asia. Kwa mujibu wa ripoti ya ForwardKeys kufikia mwanzoni mwa mwezi Agosti mwaka huu, safari za ndege katika ukanda wa Afrika mashariki ziliongezeka kwa asilimia 14.3% ikilinganishwa na kipindi kama hicho mwaka jana. Pia shirika hilo linesema kuwa viwanja vya ndege vya Afrika mashariki vinatumiwa kwa safari nyingi za ndani ya bara la Afrika ikilinganishwa na kanda nyingine za bara hilo, hali inayobashiriwa kuongezeka kuelekea mwisho wa mwaka huu. RwandAir inafanya safari katika
Read more

Serikali ya Tanzania yaipiga faini acacia Dola Bilioni 190

Image
Kampuni ya Acacia inazalisha kiwango kikubwa cha fedha kutokana na Mgodi wa Bulyanhulu uliopo Dar Es Salaam (The East African): Serikali ya Tanzania imeipiga faini ya Dila za Kimarekani bilioni 190 ($190) kampuni ya Uchimbaji madini ya Acacia inayomiliki migodi tofauti nchini humo kama sehemu ya madai ya kodi, hali inayoweza kuongeza msuguano uliopo kuhusiana na kiwango cha mrabaha ambao serikali inasema kampuni hiyo inapaswa kuilipa. Kampuni hiyo imesema imepokea taarifa kuhusiana na kiwango hicho cha kodi mapema Jumatatu kutoka Mamlaka ya Mapato Tanzania (TRA) kama limbikizo la madai ya kodi, yanayohusisha kipindi cha miaka 17 iliyopita. TRA inadai Acacia, ambayo ni kampuni kubwa zaidi ya uchimbaji madini nchini Tanzania, inadaiwa na Serikali kiasi cha Dola za Kimarekani bilioni 154 ($154) kutokana na mgodi wa Bulyanhulu pamoja na kiasi kingine cha Dola za kimarekani bilioni 36 ($36) kutokana na Mgodi wa Buzwagi. Acacia inashutumiwa kusafirisha nje mchanga wen
Read more