Paschal Buhura

Sehemu ya Waangalizi wa Uchaguzi kutoka EAC Waangalizi wa Uchaguzi kutoka jumuiya ya Afrika mashariki wameelezea matumaini makubwa kwamba uchaguzi wa Rais nchini utakaofanyika mwezi ujao utakuwa wa amani na uwazi na wenye kutoa mfano wa kuigwa kwa mataifa mengine. Akizungumza na waandishi wa habari jijini Kigali mapema Ijumaa hii, kiongozi wa ujumbe huo, aliyewahi kuwa makamu wa Rais wa Kenya, mzee Arthur Moody Awori amesema hawatarajii kushuhudia matukio yasiyokuwa ya kawaida kipindi cha uchaguzi wa Rais. Ameongeza kwamba mategemeo yao ni kuona uchaguzi wa amani na wa mfano kwa mataifa mengine ya jumuiya ya Afrika mashariki na hata nje ya bara la Afrika, huku akitoa mfano wa nchi kama Marekani. Kiongozi wa Waangalizi wa EAC, Mzee Moody Awori Kwenye mazungumzo na waangalizi hao, Mwenyekiti wa Tume ya taifa ya Uchaguzi, Prof Kalisa Mbanda amewachagiza waangalizi kwa ujumla katika uchaguzi utakaofanyika mwanzoni mwa mwezi ujao kufanya kazi kwa uadilifu na kuandika ripoti z

Urusi imejibu vikwazo vipya ilivyowekewa na Marekani kwa kutangaza kushikilia mali za ubalozi wa Marekani jijini Moscow na kuitaka nchi hiyo kupunguza idadi ya wafanyakazi kwenye ubalozi wake nchini Urusi. Ikulu ya Urusi (Kremlin) imechukua hatua ya papo kwa papo muda mfupi baada ya baraza la Seneti nchini Marekani kupiga kura inayoidhinisha vikwazo vipya dhidi ya Urusi, Iran na Korea kaskazini huku hatua hiyo ikionekana kupingwa na Rais Donald Trump. Muswada wa Bunge la Marekani kuhusu hatua hizo mpya unasubiri kusainiwa na Rais Trump kabla ya kugeuka sheria. Urusi imetangaza kupitia Maofisa wake wakuu kwamba Ubalozi wa Marekani jijini Moscow na ubalozi mdogo wa nchi hiyo katika miji ya St. Petersburg, Yekaterinburg na Vladivostok ni lazima wapunguze idadi ya "wanadiplomasia na watalamu" kufikia 455, huku wakitoa Septemba Mosi mwaka huu kama muda wa mwisho kufanya hivyo. Idadi hiyo ya wafanyakazi italingana na idadi ya wafanyakazi wa Ubalozi wa Urusi waliop

Ramani ya Reli ya kisasa itakakopitia Serikali ya Uganda kupitia Bunge la nchi hiyo imepitisha muswada wa kuomba mkopo wa Dola za Kimarekani bilioni 2.9 kufadhili mradi wa ujenzi wa reli kutoka eneo la Malaba mpakani na Kenya hadi mji mkuu Kampala. Rwanda inasubiri utekelezaji wa mradi huo mpana kwa upande wa Uganda kabla ya kuanza kuanza shughuli za ujenzi wa sehemu ya reli hiyo itakayopita katika ardhi yake. Hatua ya Uganda inafuatia sharti ya mfadhili mkuu wa ujenzi huo, nchi ya Uchina kuzitaka pande zote zinazohusika kwenye mradi huo wenye thamani ya mabilioni ya Dola za Kimarekani, ikiwamo Rwanda kuridhia utekelezaji wake kwa pamoja. Tayari matumaini ya ujenzi wa reli ya kisasa itakayoziunganisha nchi za jumuiya ya Afrika mashariki yalianza kupungua baada ya Uganda siku za nyuma kutangaza kutoa kipaumbele kwa ujenzi wa reli ambayo ingewaunganisha na Tanzania wakiwa hawana uhakika wa kupata fedha za kugharamia ujenzi wa reli inayoelekea Kigali. Waziri wa nchi wa R

Kigali Convention Centre na Hoteli ya Radisson Blu-Kigali Kigali : Bodi ya taifa ya Maendeleo nchini Rwanda (RDB), imejiwekea malengo ya kukusanya Dola za Kimarekani ifikapo mwisho wa mwaka huu kutokana na utalii wa mikutano. RDB imeelezea matumaini makubwa ya kufikia malengo yake hayo ya ukusanyaji mapato kutokana na nyanja ya utalii kwa kuzingatia makusanyo ya mwaka jana ya Dola za Kimarekani milioni 47. Mkurugenzi mkuu wa RDB, Clare Akamanzi, ameliambia gazeti The East African kwamba idara ya utalii wa mikutano itaingiza fedha zaidi kufuatia miundombinu iliyokamilika katika kipindi cha mwaka jana ikitarajiwa kuchangia upanuzi wake.   “Tunaamini tumefanya vizuri, iwapo tulijiwekea malengo ya kukusanya Dola za Kimarekani milioni 47 mwaka jana, ambazo ni sawa na asilimia 10 ya mapato yote yaliyoingizwa kutokana na shughuli za utalii, kwani tulikadiria kuingia Dola za Kimarekani milioni 440." Akamanzi ameongeza kuwa kadiri kasi ya ongezeko la mikutano inayoandaliw

Kampuni ya Acacia inazalisha kiwango kikubwa cha fedha kutokana na Mgodi wa Bulyanhulu uliopo Dar Es Salaam (The East African): Serikali ya Tanzania imeipiga faini ya Dila za Kimarekani bilioni 190 ($190) kampuni ya Uchimbaji madini ya Acacia inayomiliki migodi tofauti nchini humo kama sehemu ya madai ya kodi, hali inayoweza kuongeza msuguano uliopo kuhusiana na kiwango cha mrabaha ambao serikali inasema kampuni hiyo inapaswa kuilipa. Kampuni hiyo imesema imepokea taarifa kuhusiana na kiwango hicho cha kodi mapema Jumatatu kutoka Mamlaka ya Mapato Tanzania (TRA) kama limbikizo la madai ya kodi, yanayohusisha kipindi cha miaka 17 iliyopita. TRA inadai Acacia, ambayo ni kampuni kubwa zaidi ya uchimbaji madini nchini Tanzania, inadaiwa na Serikali kiasi cha Dola za Kimarekani bilioni 154 ($154) kutokana na mgodi wa Bulyanhulu pamoja na kiasi kingine cha Dola za kimarekani bilioni 36 ($36) kutokana na Mgodi wa Buzwagi. Acacia inashutumiwa kusafirisha nje mchanga wen